குடும்பப் பண்பாடே வெற்றியைக் கொண்டு வரும் - குமரன் வேலு

பதிவு: பி.கே.குமார் - 19.07.2021

இப்பொழுது  பொதுமுடக்க காலம். ஊரே வேலைக்குப் போகாமல் வீட்டில் முடங்கிக் கிடக்கிறது. விடிய விடிய தொலைக்காட்சியில் படம் பார்த்துக் கொண்டும், திறன்பேசியில் கூட்டாளியுடன் கொட்டம் அடித்துக் கொண்டும் தூங்கப் போகிறார்கள். படிக்கும் பிள்ளைகளில் இருந்து கற்க வேண்டிய நேரத்தில் தூங்கிக் கொண்டு இருக்கின்றனர்.

வேலைக்குப் போகா விட்டாலும் சிலருக்கு சம்பளம் உண்டு. ஆனால் இயங்கலையில் படிக்காமல் மட்டம் போடும் பிள்ளைகளின் நிலை என்னவாகும்? அதன் நீட்சி எத்தகைய விளைவை ஏற்படுத்தும் என்பதை எண்ணிப் பார்க்காத சமூகமாக இந்தியர்களில் சிலர் இருக்கின்றனர்.

நாட்டில் உள்ள தலைசிறந்த தமிழ்ப்பள்ளி ஒன்றில் சராசரி மாணவர் வருகை 77%.  அப்படி என்றால் 100-க்கு 23 பேர் அன்றாடம் பள்ளிக்கூடம் வருவது இல்லை. அவர்களின் கதி எதிர்காலத்தில்  என்னவாகும் என்பதை நான் சொல்லத்தான் வேண்டுமா?

எனக்குத் தெரிந்த இந்தியக் குடும்பம் ஒன்று. அதில் இரண்டு பிள்ளைகள். கணவர் வெளிநாட்டில் வேலை செய்தவர். இரண்டு பிள்ளைகளும் வெளிநாட்டில் பன்னாட்டுப் பள்ளியில் ஆரம்பக் கல்வி படித்தார்கள். அதன்பின் மலேசியாவுக்கு திரும்பினர்.

திரும்பி வந்ததும் ஒருவர் தமிழ்ப்பள்ளியில் படித்தார். மற்றவர் சிரி கே.எல். எனும்  பன்னாட்டுப் பள்ளியில் படித்தார். தமிழ்ப்பள்ளியில் படித்த மூத்தவர் இன்று இங்கிலாந்தில் கணக்காயராக (அக்கவுண்டன்) பணி புரிகிறார். மற்றொருவர் இங்கிலாந்தில் வழக்குரைஞருக்குப் படிக்கின்றார்.

நடுத்தரக் கும்பம் என்றாலும் காசுக்கு குறைவில்லை. அதைவிட ஒழுங்கைக் கடைபிடிப்பதிலும் கூடுதல் முயற்சி செய்வதற்கும் இந்தக் குடும்பத்தினர் தயங்கியதே இல்லை. இவர்களின் இன்றைய வெற்றிக்கு  அந்தக் குடும்பம்  கடைபிடிக்கும்  பண்பாடுதான் காரணம் என அடித்துச் சொல்லலாம்.

கணவன் மனைவி இருவரும் குறைந்தது ஒரு மணிநேரம் நூல்கள் / நாளிதழ்கள் படிக்கும் பழக்கம் உள்ளவர்கள். அவர்கள் நாளிதழ்கள் படிக்கும் போது பிள்ளைகளும் படிக்க வேண்டுமாம். நான்கு ஐந்து வயதாக இருக்கும் போதே குழந்தைகள் இருவருக்கும் படிக்கும் வழக்கத்தைக் கொண்டிருந்தனராம்.

இப்பொழுது  வெளிநாட்டில் வழக்குரைஞருக்குப் படிக்கும் இரண்டாவது பிள்ளை பனிரெண்டு வயதில் இஞ்சோன் கிரிசம் (John Grisham) எழுதிய சட்டமும் குற்றமும் (Law and Crime) நூலை விரும்பிப் படித்தாராம்.

அப்போதே ஹெரி போர்ட்டர் கதைகளையும் கரைத்துக் குடித்தவராம். பந்து விளையாட்டில் வெறித்தன விருப்பத்துடன் விளையாடுவாராம். விளையாட்டில் துடிப்பான ஆர்வம் உள்ளவராம்.

காலையில் எழுந்து இறைவனை வணங்கி அன்றாடப் பணியை தொடங்கும் ஒழுங்கு சிறுவயதில் இருந்தே தொடர்ந்து வருகிறதாம் இந்த வழக்குரைஞருக்குப் படிக்கும் இளையருக்கு. வாசிப்பு பழக்கம்தான் அவருடைய வெற்றிக்கு காரணமாக இருந்திருக்கிறது.

கூடுதல் முயற்சி (Extra effort) வெற்றிப் பெறுவதற்காகக் கூடுதல் முயற்சியும் உழைப்பையும் போட்டு வெற்றியை அறுவடை செய்யும்வரை இலக்கில் இருந்து விலக மாட்டார்கள்.

வயிறு புடைக்க உண்பது; கண்ட நேரத்தில் உண்பது; என்பது இந்தக் குடும்பத்தில் நிச்சயமாகக் கிடையாதாம். இயன்றவரை குடும்ப உறுப்பினர்கள் அனைவரும் சேர்ந்து உண்பர்களாம்.

எந்த வேலையும் சூட்டோடு சூடாகச் செய்து முடிப்பது வழக்கமாம். நாளைக்கு செய்யலாம் என்று தள்ளிப் போடும் பழக்கம் இல்லையாம். சட்டத்திற்கு புறம்பான செயல்களில் ஈடுபட மாட்டார்களாம். இந்தக் குடும்பம் கல்வியிலும் பொருளாதாரத்திலும் பண்பிலும் நிமிர்ந்து நிற்கிறது தமிழை மறக்காமல்.

- முனைவர் குமரன் வேலு

மலாக்கா முத்துக்கிருஷ்ணன்: எல்லா மாணவர்களிடமும் திறன்பேசி, கணினி வசிதிகள் உள்ளனவா என்பதை வகுப்பாசிரியர் உறுதி படுத்திக் கொள்ள வேண்டும்.

இயங்கலை நடத்தும் ஆசிரியர்கள் நேரடியாகப் பாடத்திற்குப் போகாமல் சின்னச் சின்னக் கதைகளைச் சொல்லி அந்தக் கதைகளின் மூலமாக பாடங்களை இணைக்க வேண்டும்

நேரடியாக 2444-ஐ நான்கால் வகுத்தால் மிச்சம் வருவது ஒற்றைப் படையா இரட்டைப் படையா என்று straight to the subject. பலனளிக்காது. மாணவர்களை உற்சாகப் படுத்த வேண்டும். கதைகள் சொல்லி ஈர்க்க வேண்டும்.

எ.கா: நான் ஆசிரியராக இருந்த காலத்தில் என் பின்னால் ஒரு மாணவர் கூட்டம் எப்போதும் வலம் வருவார்கள். ஒரு வகுப்பில் ஆசிரியர் இல்லை என்றால் மாணவர்கள் நேராக ஆசிரியர் அறைக்கு வந்து என்னைத்தான் தேடுவார்கள். பக்கத்து வகுப்பில் ஆசிரியர் இல்லை என்றால் என்னைத்தான் அழைப்பார்கள். ஏன்?

மாணவர்களுக்குப் பிடித்தமான கதைகளைச் சொல்லி ஒரு பள்ளிக்கூட மாணவர்களியே ஈர்த்து வைத்து இருந்தேன். பெருமைக்காகச் சொல்லவில்லை. மாணவர்களைக் கவர்ந்து பாடத்திற்குள் இழுத்துச் செல்ல வேண்டும் என்று சொல்ல வருகிறேன்.

 

சவூதி அரேபியா இளவரசி மிசால் சுட்டுக் கொலை

வரலாற்றில் இன்று 15 ஜூலை 1977

சவூதி அரேபியா மன்னரின் பேத்தி இளவரசி மிசால் (Princess Mishaal bint Fahd Al Saud). 19 வயது. பாலியல் குற்றச்சாட்டின் பேரில், ஜெட்டா நகரில் பொதுமக்கள் முன்னிலையில், சுட்டுக் கொல்லப்பட்டு மரணதண்டனை நிறைவேற்றப்பட்ட தினம் இன்று.

லெபனான் நாட்டின் தலைநகர் பெய்ரூட்டில் இளவரசி மிசால் படிக்க விரும்பினார். அதனால் அவரின பெற்றோர் அவரை லெபனாக்கு அனுப்பி வைத்தனர்.

அங்குள்ள சவூதி அரேபியா தூதரகத்தின் தூதராக அலி அசான் அல் சாயிர் (Ali Hassan al Shaer) என்பவர் இருந்தார். அவரின் உடன் பிறந்தவரின் மகன் கலீத் அல்-ஷேர் முல்லல்லால் (Khaled al-Sha'er Mulhallal) என்பவர் இருந்தார். அவருக்கு வயது 21.

இளவரசி மிசாலுக்குப் கலீத் அல்-ஷேருடன் பழக்கம் ஏற்பட்டது. நாளடைவில் காதலாக மலர்ந்தது. 

பின்னர் சவூதி அரேபியா திரும்பியதும் இவர்கள் இருவரும் தனிமையில் சந்தித்தனர். உடலுறவு கொண்டனர். இது இவரின் குடும்பத்தினரால் கண்டு பிடிக்கப்பட்டது.

இளவரசியின் தாத்தா (சவூதி அரேபியாவின் மன்னர்) அறிவுறுத்தலால் விபச்சார வழக்காகப பதிவு செய்யப்பட்டது.

பின்னர் அவர் சுட்டுக் கொல்லப்பட்டு மரணதண்டனை நிறைவேற்றப்பட்டது. அவருடைய தலையில் மூன்று முறை சுடப்பட்டது.

இவரின் காதலரின் தலையை வெட்டி மரணதண்டனை நிறைவேற்றப் பட்டது. ஆறு முறை வெட்டப்பட்டுத் தான் கொல்லப் பட்டார்.

Her family sent Princess Mishaal bint Fahd, at her own request, to Beirut, Lebanon, to attend school. While there, she fell in love with a man, Khaled al Sha'er Muhalhal, the nephew of Ali Hassan al Shaer, the Saudi ambassador in Lebanon, and they began an affair.

Upon their return to Saudi Arabia, it emerged that they had conspired to meet alone on several occasions and a charge of adultery was brought against them. She attempted to fake her own drowning[3] and was caught trying to escape from Saudi Arabia with Khaled. 

Although the Princess was disguised as a man, she was recognized by a passport examiner at Jeddah airport.[4] She was subsequently returned to her family.

Under the Sharia law current in Saudi Arabia, a person can only be convicted of adultery by the testimony of four adult male witnesses to the act of sexual penetration, or by their own admission of guilt, stating four times in court "I have committed adultery. (Other Schools of Islamic Jurisprudence or Sharia have different views and legal practice than this.)

Her family urged her not to confess, but instead to merely promise never to see her lover again. On her return to the courtroom, she repeated her confession: "I have committed adultery. I have committed adultery. I have committed adultery."

On 15 July 1977, both were publicly executed in Jeddah by the side of the Queen's Building in the park. She was blindfolded, made to kneel, and executed on the explicit instructions of her grandfather, a senior member of the royal family, for the dishonor she brought on her clan.

Khaled, after being forced to watch her execution, was beheaded with a sword by, it is believed, one of the princess' male relatives rather than by a professional executioner. Severing his head took five blows.[4][9] Both executions were conducted near the palace in Jeddah, not in Deera Square.

இங்கிலாந்தைச் சேர்ந்த ATV தொலைக்காட்சி நிறுவனம் இவர்களின் கதையை 1980-இல் Death of a Princess என்ற பெயரில் ஆவணப் படமாக  (documentary drama) வெளியிட்டது. பல நாடுகளில் இவர்களின் கதை புத்தகங்களாகவும் வெளிவந்தன.

Independent film producer Antony Thomas came to Saudi Arabia and interviewed numerous people about the princess' story. He was met by conflicting stories, which later became the subject matter of a British documentary, Death of a Princess.

The film was scheduled to show on 9 April 1980 on the ITV television network and then a month later on the public television network PBS in the United States. Both broadcasts were met with livid protests followed by strong diplomatic, economic and political pressure from the Saudis to cancel these broadcasts.

After having failed to get the British broadcast cancelled, King Khalid expelled the British ambassador from Saudi Arabia.

In May 1980, attention then shifted to PBS where their officials endured a month of mounting pressure from corporations and politicians. A major PBS sponsor, the Mobil Oil Corporation, took out a full-page ad in
The New York Times op-ed page opposing the film and declaring it jeopardized U.S.-Saudi relations. After some stalling, it was eventually broadcast by the PBS program World in most of the US on 12 May 1980, although some PBS stations did not do so.

For example, in South Carolina, the PBS affiliate cancelled broadcast of the film, a decision influenced by fact that the then US Ambassador to Saudi Arabia, John C. West, had formerly been the state's governor.

The docudrama was aired in the United States as part of a weekly PBS program called "World". That program later became known as PBS Frontline. Death Of A Princess aired again on Frontline in 2005, to commemorate the 25th anniversary of the original broadcast. King Khalid was said to have offered $11 million to the network to suppress the film.

சான்றுகள்:

1. https://en.wikipedia.org/wiki/Mishaal_bint_Fahd_Al_Saud

2. https://nakarajan.blogspot.com/2018/07/royal-murder-against-love-in-saudi.html

3. https://www.ozy.com/true-and-stories/the-mysterious-murder-of-a-saudi-princess-and-her-lover/94274/

4. https://rakyatku.com/read/124966/mirip-romeo-and-juliet-ini-putri-raja-arab-yang-dieksekusi-di-depan-kekasih

5. "Fate of another royal found guilty of adultery". The Independent. 20 July 2009.

6. A Talk With Antony Thomas - Death of A Princess". Frontline. PBS.

பின்னூட்டங்கள்

மகாலிங்கம் படவேட்டான் பினாங்கு: குற்றம் புரிந்த தன் மகனையே தேரின் சக்கரத்தில் இட்டுக் கொன்ற தமிழ் மன்னனின் தோன்றறம் என நான் கருதுகிறேன். மன்னரின் பேத்தி என்றும் பாராமல் நியாயத்தையும் சட்டத்தையும் நிலை நாட்டியது. போற்றுதலுக்கு உரியது. 🌹

மலாக்கா முத்துக்கிருஷ்ணன்: தன் பேத்தி ஆசைப் பட்டவனுக்கே, அவளைக் கட்டிக் கொடுத்து புண்ணியம் செய்து இருக்கலாமே... அவர்கள் காதலிக்கிறார்கள் என்று தெரிந்தும்... அவர்களைச் சேர்த்து வைத்து அவர்களுக்கு ஒரு வாழ்க்கையை அமைத்துக் கொடுத்து இருக்கலாமே... தப்பு தண்டா நடக்க வாய்ப்பே இல்லை. இது என் தனிப்பட்ட கருத்து.

வெங்கடேசன்: மனிதாபிமானத்துடன் இதை செய்து இருக்களாம் .அந்த நாடுகள் பெண்களை ஒரு போக பொருளாகதானே பார்க்கின்றன! 🤷‍♀️

மலாக்கா முத்துக்கிருஷ்ணன்: பெண்ணுக்கு 19 வயது. காதலனுக்கு 20 வயது. மாமா முறை. விசயம் தெரிய வந்து இருவரும் நாட்டை விட்டு தப்பிக்கும் போது ஜெட்டா விமான நிலையத்தில் கைது செய்யப் பட்டார்கள். அவள் ஆண் உடையில் தப்பிக்க முயற்சி செய்தாள்.

இது ஒரு பழி வாங்கும் படலமே. அரச குடும்பத்தில் காரை நிறுத்தும் இடத்தில் ஏற்பட்ட பிரச்சினை. இரு குடும்பங்களுக்கு இடையே நடந்த பழி வாங்கல்; மனக் கசப்புகளில் இந்தப் பெண் பலிக்கடா ஆனாள்.

இருவரையும் நாடு கடத்தச் சொல்லப் பட்டது. இருவரையும் எங்கேயாவது அனுப்பி விடுங்கள் என்றும் கேட்டுக் கொள்ளப் பட்டது. ஒரு சிலர் பல பெண்களை மனைவியாக்கிக் கொள்ள முடியும். ஆனால் சின்னஞ் சிறுசுகளின்  ஆசாபாசங்களுக்கு மட்டும் எதிரி... என்னங்க இது.

வெங்கடேசன்:  ஆமாங்க ஐயா. சில தனி மனித சிக்கல்களால் வாழ வேண்டிய பிஞ்சுகள் கொடூரமாக கொல்லப் பட்டனர். வேதனையான விசயம் 😭

மரண தண்டனை கொடுத்த அந்த மன்னருக்கு 5 மனைவிகள். Muhammad bin Abdulaziz married five times had twenty-nine children, seventeen sons and twelve daughters.

வெங்கடேசன்: பாருங்க இவனுங்க மட்டும் எப்படி வேண்டுமானாலும் வாழலாம். ரொம்ப மோசமான சட்டங்கள் 😡

தனசேகரன் தேவநாதன்: ஆமாம் தலைவரே. ஒரு நாட்டில் உடுட் அமலாக்கம் பின்புற கதவு வழியாக வெளியேறி விட்டதா பேச்சு மூச்சே காணோமே 😢😢

கணேசன் சண்முகம்: என்ன அண்ணே! உடுட் பற்றி கேட்கிறீர். ஆடி ஆவாங்கும் அவர் வீரர்களும் இப்ப பணம் -டுட்,  பதவி- டுட், பெண்கள் - டுட் என பதுங்கி விட்டனரே.

தனசேகரன் தேவநாதன்: உடுட்டா அது நம்முடையது அல்ல மனுநீதி சோழன் என்ற இந்து அரசன் கொண்டு வந்த, நடைமுறை என் தலைகீழ் நிற்பார்கள்.

ஜெயகோபாலன் பாகன் செராய்: ஓர் அரசாங்கத்தின் முட்டாள்தனமான காலத்திற்கு ஏற்தல்லாத தண்டனைகளில் இதுவும் ஒன்று! 🤦‍♀ இம்மாதிரியான தண்டனைகளை இக்கரையில் அமல்படுத்தினால் ஏற்றுக் கொள்வீர்களா?! இதுதான்! - திருடினான் கையை வெட்டுவது போன்று?!

மலாக்கா முத்துக்கிருஷ்ணன்: நியாயமே இல்லை. இருவருக்கும் சின்ன வயது. ஆசைப்பட்டு இருக்கிறார்கள். எங்கேயாவது கண்காணா இடத்திற்குப் போய் விடுங்கள் என்று விரட்டிவிட்டு இருக்கலாம். அதற்கு கொலை செய்வதா? எங்கே ஐயா தர்மம்... நியாயம்? மனிதம் பார்க்காத ம.... தமா?

வெங்கடேசன்: இதற்கு காரணம் கண் மூடி(ட)தனமான பழக்கம்

மலாக்கா முத்துக்கிருஷ்ணன்: ஓர் ஆண் 4 பெண்களைக் கல்யாணம் பண்ணலாம் என்றால் எப்படி? இங்கே ஒருத்தி ஒருவனைத் தானே விரும்பி இருக்கிறாள்... தண்டனை கொடுத்தவருக்கே ஐந்து மனைவிகள்... என்னங்க... தலை சுற்றுகிறது.

வெங்கடேசன்: மாற்றி விடுவோம் .அவன்களை திருத்த முடியாது ஐயா

 

வியட்நாம் பயணங்கள் - கரு. ராஜா

12.07.2021

வியட்நாம் அழகிய நாடு.  அற்புதமான நாடு. இந்தோசீனாவின் கிழக்கே அமைந்து உள்ளது. பல்லாயிரக் கணக்கான ஆண்டுகளாகப் பச்சை பசேல் வரலாற்றைப் பதித்து வருகிறது. ஒரு முறை போனால் மறுபடியும் போகச் சொல்லும் நாடு.

அமெரிக்காவின் ஆதிக்கத்தில் அலைகழிக்கப்பட்ட நாடு. மக்கள் தொகை 90.3 மில்லியன். மலேசியாவைப் போல ஏறக்குறைய மூன்று மடங்கு. வடக்கே சீனா; வடமேற்கே லாவோஸ்; தென்மேற்கே கம்போடியா; கிழக்கே தென்சீனக்கடல்; எல்லைகளாக அமைந்து உள்ளன.

வியட்நாம் டானாங் நகரில்

இந்த நாட்டிற்கு கோலாலம்பூரைச் சேர்ந்த கரு. ராஜா அவர்கள் தன் குடும்பத்தாருடம் ஏழு முறை பயணம் செய்து இருக்கிறார். கரு. ராஜா மலேசியப் பத்திரிகை உலகில் நன்கு அறியப் பட்டவர். தமிழ் மலர்; தமிழ் முரசு; வானம்பாடி நாளிதழ்களில் சேவை செய்தவர்.

அவர் வியட்நாம் சென்று இருந்த போது பிடித்த நிழல்படங்கள் இங்கு காட்சிப் படுத்தப் படுகின்றன. வியட்நாம் பற்றிய சில தகவல்கள்.

பழங்காலத்தில் இருந்தே வியட்நாம் பகுதிகளில் மனிதர்கள் வாழ்ந்ததற்கான சான்றுகள் கிடைத்து உள்ளன. கி.மு. 500,000 வருடங்கள் பழமையான ஹோமோ எரெக்டஸ் மனித எச்சங்கள் வடக்கு வியட்நாமின் லாங் சான் குகைகளில் கண்டுபிடிக்கப்பட்டு உள்ளன.

வியட்னாம் பானா மலை

1945 செப்டம்பர் 2-ஆம் திகதி வியட்நாம் சுதந்திர நாடாக ஹோ சிமின் புரட்சி அரசாங்கத்தால் பிரகடனம் செய்யப் பட்டது. ஆனால் பிரெஞ்சு அரசு தொடர்ந்து தாக்குதல் தொடுத்தது. வியட்நாமை தங்கள் காலனி ஆதிக்கத்திற்குள் தக்க வைக்கும் முயற்சியில் ஈடுபட்டு வந்தது. 

ஹாலொங் பே

அதற்கு எதிராக வியட்நாம் மக்கள் கடுமையான நேரடிப் போரில் ஈடுபட்டார்கள். ஒன்பது ஆண்டுகள் இந்தப் போர் நீடித்தது. 1954-இல் வியட்நாம் மக்களின் விடுதலைப் படை வெற்றி பெற்றதன் மூலம் முடிவிற்கு வந்தது.

அதன் பின்னர் அமெரிக்காவின் தலையீடு. வியட்நாம் போரின் போது காட்டுமிராண்டித் தனமான குற்றங்களை அமெரிக்கா இழைத்தது. வியட்நாம் மக்களுக்கு அந்தப் போரின் போது அமெரிக்கா கணக்கிட முடியாத இழப்புகளும், சொல்லொணாத் துயரங்களையும் ஏற்படுத்தி உள்ளது.

கரு. ராஜாவும் அவர் மனைவியும்

இப்போதுதான் வியட்நாம் மக்கள் கொஞ்சம் நிம்மதியாகப் பெருமூச்சு விடுகின்றனர்.

பின்னூட்டங்கள்

வெங்கடேசன்: அருமையான கட்டுரை. மிக்க நன்றி. இன்னும் கொஞ்சம் விரிவாக அங்குள்ள உணவு பழக்க வழக்கம் பற்றியும் எழுதுங்கள்.

இராதா பச்சையப்பன்: அடேங்கப்பா... ஒரு வகையில் எல்லா ஊர்களையும் சுற்றிப் பார்த்த மாதிரிதானு சொல்லுங்கள். உங்களை உலகம் சுற்றும் வாலிபன் என்று சொன்னாலும் தகும். கொடுத்து வைத்தவர். வாழ்க்கையை ரசித்து வாழ்ந்து இருக்கிறீர்கள். வாழ்த்துகள்.

கரு. ராஜாவும் அவர் மகளும்

இனி வரும் காலங்களில் அப்படி ஒரு வேளை வெளியூருக்குப் போக நினைத்தால், அந்த டிக்கெட்டை என் பெயரில் புக் செய்யவும். உங்கள் செலவில், உங்க தயவில், நான் போய் வெளியூரைச் சுற்றிப் பார்த்து விட்டு வருகிறேனே!

அது சரி, நீங்கள் போய் வந்த ஊர்களைப் பற்றி எங்களுக்குச் சொல்லலாமே. போய் வந்த ஊர்களைப் பற்றி கட்டுரைகள் எழுதலாமே புலனத்தில்... நன்றி.

ஹனோய்  ஹலோங் விரிகுடா பகுதி

பொன் வடிவேல்: அழகிய நாடுகளுக்குs சுற்றுலா செல்லும் உங்களின் ஆர்வம் எமது நினைவுகளில் பசுமையாக அமைகிறது. இன்னும் விரிவாக எழுதினால் சிறப்பாக இருக்கும். இதன் பின் நாம் உலக சுற்றுலா செல்ல பல வருடங்கள் ஆகலாமே. - பொன் வடிவேல், ஜோகூர்பாரு. 012-7299587

கரு. ராஜா: வியட்னாமில் சாப்பாடு ஒரு பிரச்னை இல்லை. நம் நாட்டில் சீனர்கள் விற்கும் சிக்கன் சாப்பாடு (chicken rice) எல்லா இடங்களிலும் கிடைக்கும்.அதை சாப்பிட்டு நாம் சமாளிக்கலாம். அவர்கள் ஒரு மாதிரி பெகர் தயாரித்து கொடுக்கிறார்கள். கோழி பெகர். மலேசிய பணம் சுமார் சுமார் நான்கு ரிங்கிட். ஒரு பெக்கர் சாப்பிட்டலே போதும். வயிறு நிறைந்து விடும்.

சுமார் 6 பேர் கொண்ட குழுவில் சென்றால் சாப்பாடு ஒரு பிரச்னை இல்லை. 6 பேரும் ஒரு மேஜையில் உட்கார்ந்து விருப்பப்பட்ட பொருளை ஆர்டர் செய்து சாப்பிட்டு பிறகு பகிர்ந்து கொண்டால் பணம் ரொம்ப குறைவாக இருக்கும்.

சுமார் 5 அல்லது 6 பேர் பயணம் போகும் போது வாடகைச் செலவு குறையும். என்னைப் பொருத்தவரை சாப்பாடு ஒரு பிர்ச்னையே இல்லை.

டானாங் நகரில் உள்ள இந்து ஆலயம்

நான் ஒரு கிராமத்துக்கு சுற்றுலா சென்று இருந்தேன். அங்குள்ள ஒரு மார்க்கெட்டுக்கு போய் இருந்தேன். அங்கு நாய் இறைச்சி வியாபாரத்திற்கு வைக்கப்பட்டு இருந்ததைப் பார்த்தேன்.

வியட்னாமில் ஒரு சில சீக்கியர்கள் உணவகம் நடத்துகிறார்கள். ஆனால், விலை கொஞ்சம் அதிகம். ஒரு முறை நாங்கள் சப்பாத்தி ஆர்டர் செய்து... சப்பாத்தியும் வந்தது சாம்பார் இல்லாமல்... சாம்பார் கேட்டதற்கு சாம்பார் தனி விலையாம். அதிலிருந்து சீக்கியர் உணவகத்தைத் தவிர்த்து விட்டோம். கொரனா முடிந்ததும் வியட்னாம் போய் வாருங்கள். திருட்டு இல்லாத ஊர். நன்றி

இராதா பச்சையப்பன்: அருமை👌. இன்னும் மற்ற மற்ற ஊர்களையும் கட்டுரை வடிவில் எதிர்ப்பார்க்கிறோம். 

துணிச்சல்காரப் பிள்ளை மகள் மலர்விழி
சுரங்கத்தில் இறங்கிப் பார்க்கிறார்

தனசேகரன் தேவநாதன்: ஆவல் அதிகரிக்கிறது ஐயா... பார்க்க வேண்டிய  இடங்களைக் குறிப்பிடுங்கள். அனைவருக்கும் பயன்படும்.

கரு. ராஜா: வியட்நாம் பயனம் முறைப்படி திட்டமிட்டு தயாரித்தால் சுமார் 5 நாட்களுக்கு சுமார் 1000 மலேசிய ரிங்கிட்தான் வரும்.நீங்கள் சுற்றுலா நிறுவனம் மூலம் போனால் செலவு கொஞ்சம் அதிகமாகத்தான் வரும்.

ஒரு முறை வியட்னாமில் டானாங் என்ற ஊருக்கு சுற்றுலா போயிருந்தேன். எல்லாம் நெருங்கிய நண்பர்கள். 5 நாள் பயணம். கடைசியில் பயணச் செலவைக் கணக்கிட்டால் தலைக்கு 850 வெள்ளி தான் வந்தது. 

நாராங் எனும் இடத்தில் உள்ள ஒரு பாலைவனம்

இராதா பச்சையப்பன்: உள்ளம் ரெண்டும் ஒன்று. உருவம் தானே   ரெண்டு, உயிர் ஓவியமே  கண்ணே நீயும் நானும் ஒன்று.

கரு. ராஜா: ஒரு சில நேரங்களில் air Asia மலிவாக டிக்கட் போடுவார்கள். அந்த நேரத்தில் உடனே டிக்கட்டைப் போட வேண்டும். சுற்றுலா பிரச்னை இல்லை. போக வேண்டிய ஊரின் சுற்றுலா நிறுவனங்கள் மூலமாகச் சுற்றுலாவை பேரம் பேசலாம். குறைந்த விலையில் கிடைக்கும்.

மலாக்கா முத்துக்கிருஷ்ணன்: உண்மைதான். மியன்மாரில் 2014 ஆம் ஆண்டு தனி ஆளாக திட்டமிட்டுப் பயணம் செய்தேன். ஒரு வாரம்...1400 ரிங்கிட் தான் பிடித்தது.

கரு. ராஜா: கொரனா மட்டும் வரவில்லை என்றால் இந்த ஒன்றரை வருடத்திற்கு குறைந்தது மூன்று ஊருக்காவது போயிருப்பேன்.

தோளில் போட்ட கையை எடுக்க மனசு வரலையோ

இராதா பச்சையப்பன்: இது தெரிந்த விசயம் தானே. மறக்காமல் என் பெயரிலும் ஒரு டிக்கெட்டைப் போடவும்

மலாக்கா முத்துக்கிருஷ்ணன்: இரவின் மடியில் என்று சொல்லி போட்டுத் தாக்குகிறார்கள். நீங்கள் என்ன... உலகம் சுற்றி வந்து இருக்கிறீர்கள். பதிவு செய்யுங்கள். நாங்கள் பார்க்கிறோம்.

 

ஹோசிமின் நகர இந்து கோயில்

நம் புலனத்தைச் சேர்ந்த ஒருவர் உலகம் சுற்றி வந்து இருக்கிறார். அதைப் போடாமல் தமிழநாட்டு செய்திகள்: சுகரை குறைப்பது எப்படி; கொசுவை பிடிப்பது எப்படி எனும் பழைய குப்பைகளை மீண்டும் மீண்டும் அரைக்க வேண்டுமா...

முருகன் சுங்கை சிப்புட்: உலகம் அழகு கலைகளின் சுரங்கம்... பருவ சிலைகளின் அரங்கம்...

கரு. ராஜா: உலகில் இருக்கப் போவது கொஞ்ச காலம்தான். இருக்கிற வரைக்கும் 4 ஊரை சுற்றிப் பார்க்க வேண்டும். இதுதான் என்னுடைய  ஆசை. கொரனா முடிந்ததும் புலன உறுப்பினர்கள் வியட்நாம் போய் வருவோம். வாருங்கள்.

கொரில்லாக்கள் பதுங்கி இருந்த 

பதுங்கு குழியில் மலர்விழி

இராதா பச்சையப்பன்: அனைத்து புகை படங்களும்,  சுற்றுலா இடங்களும் அருமையோ அருமை

சிவகுரு மலாக்கா: காணொளியும் தங்களின் குரல் பதிவின் விளக்கமும்  மிக அருமை ஐயா.

தேவி கடாரம்: மிக அருமை ஐயா 👌👍🏻 மகிழ்ச்சியாக இருக்கிறது. தங்கள் பயணக் கட்டுரை பிரமாதம். அதைவிட அருமையிலும் அருமை தாங்கள் பகிர்ந்த படங்கள்.

கரு. ராஜா: படங்களைக் கண்டுகளித்த புலன நண்பர்கள் அனைவருக்கும் நன்றி.

மலேசியம் புலன அன்பர்களின் சார்பில் கரு. ராஜா குடும்பத்தினருக்கு வாழ்த்துகள்.

கோலசிலாங்கூர் கடல் பெருக்கு - இராதா பச்சையப்பன்

12.07.2021

கோலாசிலாங்கூர் ஓர் அழகிய துறைமுகப் பட்டினம். சிறப்பு வாய்ந்த சிலாங்கூரில் சிருங்காரம் பாடும் ஒரு சின்னப் பொக்கிசம். மலாக்கா நீரிணையைச் சார்ந்த நிலப்பகுதி. பச்சைப் பசேல் சதுப்புநிலக் காடுகள்.

கிள்ளான் மாநகரில் இருந்து 50 கி.மீ. கோலாலம்பூரில் இருந்து 70 கி.மீ. ஓர் அமைதியான ஊர். ஆனாலும் அங்கே ஒரு பெரிய காலப் பெட்டகமே புதைந்து கிடக்கிறது. 

அதிகாலை கடல் வெள்ளப் பெருக்கு.
கோலாசிலாங்கூர் ஆறும், மலாக்கா கடலும் சங்கமமாகும் இடம்.

கோலா சிலாங்கூருக்குப் போனதுமே முதலில் உங்கள் கண்களில் படுவது கோலா சிலாங்கூர் (Kuala Selangor) எனும் பிருமாண்டமான வெள்ளை எழுத்துச் சுவர்கள் தான். மெலாவாத்தி குன்றின் (Bukit Melawati) கரும்பச்சைக் கானகத்து உச்சியில் அந்த எழுத்துகள் ஜொலிக்கின்றன. 

இன்று காலையில் ராதா பச்சையப்பன் எடுத்த படம். 

மெலாவாத்தி குன்றில் இருந்து மலாக்கா நீரிணையில் போகும் கப்பல்களைப் பார்க்க முடியும். துறைமுகத்திற்கு வரும் கப்பல்களைப் பார்க்க முடியும். தவிர கீழே கோலா சிலாங்கூர் பட்டினத்தில் என்ன நடக்கிறது என்பதையும் நன்றாகவே கவனிக்க முடியும்.

கோலா சிலாங்கூரின் வரலாறு 16ஆம் நூற்றாண்டில் தொடங்குகிறது. சிலாங்கூர் ஆறு மலாக்கா நீரிணையில் வந்து கலக்கும் முகத்துவாரத்தில் தான் இந்தச் சிலாங்கூர் குன்று இருக்கிறது. இங்கே தான் ஒரு பெரிய கோட்டையும் இருக்கிறது. அதை இப்போது மெலாவாத்தி கோட்டை என்று அழைக்கிறார்கள். 

உண்மையில் இங்கே இரு கோட்டைகள் உள்ளன. மெலாவாத்தி குன்றின் மீது ஒரு கோட்டை. அதற்கு மெலாவாத்தி கோட்டை என பெயர். இன்னொரு கோட்டை இரு கி.மீ. அப்பால் தஞ்சோங் கிராமாட்டில் உள்ளது.

சிலாங்கூர் குன்றின் சுற்றுப்புறங்கள் அனைத்திலும் நெட்டைக் குத்தலான கருங்கல் பாறைகள். அவ்வளவு சுலபமாக மேலே ஏறிப் போய்விட முடியாது.

கீழே சிலாங்கூர் ஆறு வளைந்து வளைந்து நெளிந்து போகிறது. ஆற்றின் இரு மருங்கிலும் அடர்ந்த காண்டா சதுப்புக் காடுகள். மேலே குன்றின் மீது இருக்கும் கோட்டைக்கு இவையே நல்ல தற்காப்பு அரண்கள். 16ஆம் நூற்றாண்டில் இந்தக் கோட்டை கட்டப்பட்டது. மலாக்காவின் கடைசி சுல்தானாக இருந்த சுல்தான் முகனட்டின் மகன் துன் முகமட் (Tun Mahmud) கட்டியது. 

அந்தக் காலக் கட்டத்தில் ஜொகூர் ஆட்சியின் கீழ் தான் கோலா சிலாங்கூர் இருந்தது. துன் முகமட் அங்கிருந்து கோலா சிலாங்கூர் நிலப்பகுதிகளை ஆட்சி செய்து வந்தார். (சான்று: A History of the Peninsular Malays with Chapters on Perak & Selangor; R.J. Wilkinson, C.M.G (Pub Kelly & Walsh Ltd.)

17ஆம் நூற்றாண்டில் இந்தோனேசியாவில் இருந்து பூகிஸ்காரர்கள் சிலாங்கூரில் குடியேறினார்கள். கி.பி. 1756ஆம் ஆண்டு ராஜா லூமு (Raja Lumu) என்பவரைத் தங்களின் முதல் சுல்தானாக நியமித்தார்கள். ராஜா மூமுவின் பெயர் சுல்தான் சலிஹுடின் ஷா எனப் பெயர் மாற்றம் கண்டது. 

இவர்தான் மெலாவாத்தி கோட்டைக்கு ஒரு புது வடிவம் கொடுத்தவர். கருங்கற்களைக் கொண்டு கோட்டைச் சுவர்களுக்கு வலிமை கொடுத்தவர். கோட்டையைச் சுற்றிலும் பீரங்கிகளையும் நிறுத்தி வைத்தவர்.

(சான்று: http://www.sabrizain.org/malaya/sgor5.htm - Raja Lumu, who took the title Sultan Salehudin Shah, established himself at the Kota Malawati)

பின்னூட்டங்கள்

தனசேகரன் தேவநாதன்: நீலக் கடல் அவைதான்... எந்தன் நெஞ்சின்
அலைதான் கண்ணம்மா... பாரதியார் கவிதை

கோலாசிலாங்கூர் காலை வேளையில்... அழகிய காட்சிகள்... நதிக் கரைகளைச் சுத்தம் செய்தால் அழகியச் சுற்றுலா தளங்களாக ம்றுவடிவம் பெறலாம்... 

ஏற்கனவே இன்று காலையில் பதிவானவை... இருப்பினும் மறுபடியும் பதிவு செய்கிறேன்.

நம் நாட்டுப் படங்கள்... நம் புலன உறுப்பினர் இன்று காலை எடுத்த படங்கள்... Photo genuine உள்ளது. அசல் தன்மைகள்.

இந்தப் புகைப்படத்தை எடுத்தவருக்கு நிழல்படக் கலைத் தன்மை உள்ளது. வாழ்த்துகள். 

இராதா பச்சையப்பன்: இதில் இப்படி ஒரு கண்ணம்மா கதை இருப்பது தெரியாமல் போனதே.

கரு. இராஜா: கடல் சார்ந்த பட்டிnஅம், நதிச் சார்ந்த நகரங்கள் மற்ற நகரங்களை விட அழ்காக இருக்கும். இந்த அழகை ரசிப்பதற்காகவே நான் அடிக்கடி கோலாசிலாங்கூர் போவதுண்டு. என் வீட்டிலிருந்து கோலசிலாங்கூருக்கு 60 நிமிடப் பயணம்.

நான் முறை சீனா, ஷங்காய்  நகருக்குப் போயிருந்தேன். ஷங்காய் நகரமும் ஒரு நதிச்சார்ந்த நகரம். இரவு நேரத்தில் அந்த நதியில் பயணம் செய்வது,  சொல்ல வார்த்தை இல்லை. இரு கரைகளிலும் வானளாவிய கட்டிடங்கள் கண்ணைக் கவரும்.
 

அடுத்து பாங்காக்,   இதுவும் ஒரு நதி சார்ந்த நகரம். இதுவும் ஷங்காய் மாதிரி தான் இருக்கும். பாங்காக் நகரத்திற்கு மூன்று முறை சுற்றுலா போய் இருக்கிறேன்.

வியட்நாம் சொல்லவே தேவை இல்லை. வடக்கில் இருந்து தெற்கு தெற்கு வரை மீகோங் நதி பாய்கிறது. பெரும்பாலும் வியட்நாம் நகரங்கள் நதி ஓரமாக அமைந்திருக்கிறது. 7 முறை வியட்நாம் போயிருக்கிறேன் என்றால் பார்த்துக் கொள்ளுங்கள். நன்றி.

இராதா பச்சையப்பன்: நன்றி சொல்ல எனக்கு வார்த்தை  வரவில்லை.  இப்படி ஒரு பதிவை நான் எதிர்பார்க்கவும் இல்லை, நினைக்கவும் இல்லை. அனைத்துக்கும்  நன்றி நல்குகிறேன்.  நன்றி

 

தேனீக்களும் அதன் அதிசய வாழ்க்கை முறையும்

பதிவு: கென்னடி ஆறுமுகம் - 09.07.2021

வேலைக்காரத் தேனீக்கள், பூக்கள் இருக்கும் இடத்தை கண்டறியும் முறையும் அதை மற்ற தேனீக்களுக்கு தெரிவிக்கும் முறையும் அதிசயமானது. ஒரு வேலைக்காரத் தேனீ மட்டும் அலைந்து திரிந்து பூக்களின் இருப்பிடத்தைக் கண்டறிந்து வரும்.

அதன் பின் அதை மற்ற தேனீக்களுக்குத் தெரிவிக்கும் விதமாக நடனமாடும். அந்த நடனத்தை வைத்துப் பூக்கள், தேன் கூட்டிலிருந்து எவ்வளவு தொலைவில் உள்ளது என துல்லியமாக மற்ற தேனீக்கள் புரிந்து கொள்ளும்.

அந்த நடனத்தில் சூரியனை நோக்கிப் பறந்தால் சூரியன் இருக்கும் திசையிலும், சூரியனுக்கு எதிர் திசையில் பறந்தால் எதிர் திசையிலும் பூந்தோட்டங்கள் இருக்கின்றன என்று பொருள்.

அவ்வாறு கடினப்பட்டு சேகரித்து வரும் தேனைச் சேமிக்கும் முறை பற்றியும்; அதைக் கெடாமல் பாதுக்காகச் செய்யப்படும் வேலைகளைப் பற்றியும்; ஒரு 1000 பக்கத்திற்கு தனி புத்தகமே எழுதலாம். அவ்வளவு விஞ்ஞானம். அவ்வளவு நுணுக்கம்.

Bees are the claasic example for Colonial and Communal system of living.

கூட்டாக ஒரு சமுதாயமாக வாழும் முறைக்கு மிகச் சிறந்த எடுத்துக்காட்டு, தேனீக்களின் வாழ்க்கை முறைதான்.

ஒரு தேனீ கூட்டத்தில் ஒரே ஒரு ராணித் தேனீ மட்டுமே இருக்கும். மற்றவை ஆண் தேனீக்கள், வேலைக்கார தேனீக்கள். இதில் இனப் பெருக்கம் செய்வது மட்டுமே ராணித் தேனீயின் பணி. ஆண் தேனீயின் வேலை பற்றி சொல்ல வேண்டியது இல்லை.

இதில் வேலைக்காரத் தேனீக்கள் தான் தேன்கூட்டிற்கு முழு முதல் பொறுப்பு. இந்தத் தேனீக்கள் கூட்டத்தால் தான், அது தேனைச் சேகரிக்கும் பொழுது அதன் கால்களில் ஓட்டிச் செல்லும் மகரந்த சூல்களால் தான் தாவரங்கள், மரங்கள், காடுகளே உருவாகின்றன.

இவ்வளவு பயன் உள்ள தேனீக்கள் சமீப காலமாக வெகு வேகமாக அழிந்து வருகின்றன. ஐரோப்பாவில் 42% தேனீக்கள் அழிந்து விட்டன.

காரணம் :- மலட்டுத் தன்மை கொண்ட பூக்கள். அவற்றை நல்ல பூக்கள் என்று நம்பி தேனெடுக்க வரும் தேனீக்கள் அமர்கின்றன.

அப்பூக்களில் உள்ள Neonicotinoids - நீயோ நிகோட்டினாய்ட்ஸ் என்னும் ஒரு வேதிப் பொருள், தேனீக்களின் நரம்பு மண்டலத்தில் பாதிப்பை உண்டாக்கி, அதனால் இயற்கையிலேயே மிகப் புத்திசாலியானதும், நல்ல ஞாபகத் தன்மைக் கொண்டதுமான தேனீக்கள் தங்கள் கூட்டை மறந்து குழம்பி இறந்து விடுகின்றன.

இவற்றை நம்பி கூட்டில் காத்திருக்கும் ராணித் தேனீ இறுதியில் தானும் இறக்கிறது அதோடு அந்த சமுதாயமே அழிகிறது.

இந்தப் பேரழிவிற்கு முழுமுதல் காரணம்: மரபணு மாற்றப் பட்ட விதைகள் அவையே மலட்டுத் தன்மை கொண்ட பூக்களை உரிவாக்குகின்றன.

வான் பொய்த்ததால், வாழ்வு பொய்த்த விவசாயியின் வாழ்வில், குறுகிய காலத்தில் நல்ல மகசூல் என்ற பெயரில், மரபணு மாற்றப்பட்ட B.T கத்திரிக் காய்களும், வாழைப் பழங்களும், மாம்பழங்களும் - Monsanto மான்சான்ட்டோ எனப்படும் மரபணு மாற்றப் பற்ற விதைகளும் இந்திய விவசாய சந்தைகளுக்குள் ஊடுருவத் துவங்கியுள்ளன.

இவற்றை ஆரம்ப நிலையிலேயே, வேரோடும் வேரடி மண்ணோடும் விரட்டி அடிக்க வேண்டியது நம் பொறுப்பு. ஏனெனில் நன்றாக நினைவில் கொள்ளுங்கள்,

மனிதனின் துணையின்றி தேனீக்கள் எத்தனை ஆயிரம் வருடங்கள் வேண்டுமானாலும் உயிர் வாழ்ந்து விடும்.

ஆனால் தேனீக்கள் இல்லையேல் மனித இனம் நான்கே ஆண்டுகளில் துடைத் தெறியப்பட்டு விடும்.

பி.கு: "Bee Movie" என்றொரு Animated English Movie உள்ளது. அதைப் பாருங்கள். ஒரு தேன்கூட்டின், தேனீயின் வாழ்வை மிக அற்புதமாகப் படம் பிடித்துக் காட்டும் படம். படித்ததில் சிந்திக்க வைத்தது.